முதியவரை தாக்கிய மகன் கைது

பாளையங்கோட்டை அருகே உள்ள தெற்கு அரியகுளம் அம்மன் கோவில் தெருவை சேர்ந்தவர் பரமசிவன் (வயது 66). இவருடைய மகன் கொம்பையா (24). இவர் சரியாக வேலைக்கு செல்லாமல் இருந்து வந்துள்ளார். இந்தநிலையில் சம்பவத்தன்று கொம்பையா, பரமசிவனிடம் பணம் கேட்டார். அவர் கொடுக்க மறுத்ததால் தந்தையை அவதூறாக பேசி காலால் மிதித்து காயம் ஏற்படுத்தி மிரட்டல் விடுத்தார். இதுகுறித்து பரமசிவன் பாளையங்கோட்டை தாலுகா போலீஸ் நிலையத்தில் புகார் அளித்தார். சப்-இன்ஸ்பெக்டர் நாஞ்சில் பிரித்விராஜ் வழக்குப்பதிவு செய்து கொம்பையாவை நேற்று கைது செய்தார்.