மாணவர்களுக்கு கல்வி உதவித்தொகை

மத்திய அரசின் கல்வி நிறுவனங்களான ஐ.ஐ.டி., ஐ.ஐ.எம்., ஐ.ஐ.ஐ.டி., என்.ஐ.டி., மத்திய பல்கலைக்கழகங்களில் பட்டப்படிப்பு, பட்ட மேற்படிப்பு பயிலும் மாணவ-மாணவிகளுக்கு கல்வி உதவித்தொகை வழங்கப்படுகிறது. இதற்கு தமிழகத்தை சேர்ந்த பிற்படுத்தப்பட்டோர், மிகவும் பிற்படுத்தப்பட்டோர், சீர்மரபினர் வகுப்பை சேர்ந்த மாணவ-மாணவிகள் விண்ணப்பிக்கலாம்.

இதில் ரூ.2½ லட்சத்துக்குள் குடும்ப ஆண்டு வருமானம் உள்ள மாணவ-மாணவிகளுக்கு ஆண்டுக்கு ரூ.2 லட்சம் வரை கல்வி உதவித்தொகை வழங்க தமிழக அரசு உத்தரவிட்டுள்ளது. எனவே 2023-2024-ம் கல்வி ஆண்டுக்கான கல்வி உதவித்தொகை பெற விரும்பும் திண்டுக்கல் மாவட்டத்தை சேர்ந்த மாணவ-மாணவிகள் விண்ணப்பிக்கலாம்.

இதற்கான விண்ணப்பத்தை கலெக்டர் அலுவலகத்தில் உள்ள பிற்படுத்தப்பட்டோர் மற்றும் சிறுபான்மையினர் நல அலுவலகம் அல்லது http://bcmbcmw.tn.gov.in.?welachemes.htm.#scholarshipschemes எனும் இணையத்திலும் பெற்றுக் கொள்ளலாம். அந்த விண்ணப்பத்தை பூர்த்தி செய்து சம்பந்தப்பட்ட கல்வி நிறுவனங்களில் சமர்ப்பிக்க வேண்டும் என்று கலெக்டர் பூங்கொடி தெரிவித்துள்ளார்.