சத்தியமங்கலம் மார்க்கெட்டில் மல்லிகைப்பூ கிலோ ரூ.2,310-க்கு ஏலம்

சத்தியமங்கலத்தில் கரட்டூர் ரோட்டில் உள்ள பூ மார்க்கெட்டில் நேற்று பூக்கள் ஏலம் நடந்தது. காலை 7 மணிக்கு ஏலம் தொடங்கி மாலை 4 மணி வரை நடைபெற்றது. இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் 2 டன் பூக்களை விற்பனைக்காக கொண்டு வந்திருந்தனர். நேற்றைய ஏலத்தில் மல்லிகைப்பூ கிலோ ரூ.2 ஆயிரத்து 310-க்கும், முல்லை ரூ.740-க்கும், காக்கடா ரூ.725-க்கும், செண்டுமல்லி ரூ.59-க்கும், பட்டுப்பூ ரூ.135-க்கும், ஜாதிமல்லி ரூ.750-க்கும், கனகாம்பரம் ரூ.550-க்கும், சம்பங்கி ரூ.30-க்கும், அரளி ரூ.160-க்கும், துளசி ரூ.40-க்கும், செவ்வந்தி ரூ.100-க்கும் ஏலம் போனது.