சத்தியமங்கலம் மார்க்கெட்டில் மல்லிகைப்பூ கிலோ ரூ.2,100-க்கு ஏலம்

சத்தியமங்கல் மார்க்கெட்டில் நேற்று விவசாயிகள் 3½ டன் பூக்களை விற்பனைக்காக கொண்டு வந்திருந்தனர்.

இந்த ஏலத்தில் மல்லிகைப்பூ கிலோ ரூ.2 ஆயிரத்து 100-க்கும், முல்லை ரூ.400-க்கும், காக்கடா ரூ.900-க்கும், செண்டுமல்லி ரூ.135-க்கும், பட்டுப்பூ ரூ.88-க்கும், ஜாதிமல்லி ரூ.500-க்கும், கனகாம்பரம் ரூ.400-க்கும், சம்பங்கி ரூ.90-க்கும், அரளி ரூ.220-க்கும், துளசி ரூ.40-க்கும், செவ்வந்தி ரூ.180-க்கும் ஏலம் போனது. தொடர் முகூர்த்த நாட்கள், கோவில் விழாக்கள் மற்றும் தேவை அதிகரிப்பு காரணமாக பூக்கள் விலை உயர்ந்து விற்பனை ஆனதாக வியாபாரிகள் தெரிவித்தனர். பூக்கள் விலை உயர்ந்து விற்பனை ஆனதால் விவசாயிகள் மகிழ்ச்சி அடைந்தனர்.