சத்தியமங்கலம் மார்க்கெட்டில் ஆயுத பூஜையையொட்டி பூக்கள் விலை உயர்வு

சத்தியமங்கலம் மார்க்கெட்டில் ஆயுத பூஜையையொட்டி பூக்கள் விலை உயர்ந்தது.

மல்லிகைப்பூ ரூ.1,180

சத்தியமங்கலம் கரட்டூர் ரோட்டில் பூ மார்க்கெட் உள்ளது. இங்கு தினமும் காலை 7 மணி முதல் மாலை 4 மணி வரை பூக்கள் ஏலம் நடைபெறும். அதன்படி நேற்று நடந்த ஏலத்துக்கு சத்தியமங்கலம் மற்றும் சுற்றுவட்டார பகுதிகளில் இருந்து விவசாயிகள் 6 டன் பூக்களை எடுத்து வந்திருந்தார்கள்.

இதில் மல்லிகைப்பூ (கிலோ) ரூ.1,180-க்கும், முல்லை ரூ.720-க்கும், காக்கடா ரூ.500-க்கும், செண்டுமல்லி ரூ.130-க்கும், பட்டுப்பூ ரூ.110-க்கும், சாதிமல்லி ரூ.500-க்கும், கனகாம்பரம் ரூ.1000-க்கும், அரளி ரூ.350-க்கும், துளசி ரூ.50-க்கும், செவ்வந்தி ரூ.240-க்கும், சம்பந்தி ரூ.220-க்கும் ஏலம் போனது.

பூக்கள் விலை உயர்வு

இதேபோல் நேற்று முன்தினம் நடந்த ஏலத்தில் மல்லிகைப்பூ (கிலோ) ரூ.1,000-க்கும், முல்லை ரூ.520-க்கும், காக்கடா ரூ.500-க்கும், செண்டுமல்லி ரூ.98-க்கும், பட்டுப்பூ ரூ.105-க்கும், சாதிமல்லி ரூ.500-க்கும், கனகாம்பரம் ரூ.1,010-க்கும், அரளி ரூ.450-க்கும், துளசி ரூ.50-க்கும், செவ்வந்தி ரூ.280-க்கும், சம்பங்கி ரூ.240-க்கும் விற்பனையானது. நேற்று முன்தினத்தை விட நேற்று ஒரு கிலோ மல்லிகைப்பூ ரூ.180-ம், முல்லைப்பூ ரூ.200-ம், செண்டுமல்லி ரூ.32-ம், பட்டுப்பூ ரூ.5-ம், சம்பங்கி ரூ.20-ம் உயர்ந்திருந்தது.

கனகாம்பரம் ரூ.10-ம், அரளி ரூ.100-ம், செவ்வந்தி ரூ.40-ம் விலை குறைந்திருந்தது. இதுகுறித்து பூ மார்க்கெட் சங்க நிர்வாகிகள் கூறும்போது, 'ஆயுத பூஜை என்பதால் மல்லிகை பூ, முல்லை, அரளி ஆகிய பூக்களின் விலை உயர்ந்துள்ளது. வியாபாரிகள் அதிக விலை கொடுத்து வாங்கி சென்றனர்' என்றனர்.