சிக்கல் சிங்காரவேலர் கோவிலில் கார்த்திகை வழிபாடு - திரளான பக்தர்கள் சாமி தரிசனம்

சிக்கல்,

நாகை மாவட்டம் சிக்கல் சிங்காரவேலர் கோவிலில் ஆனி மாத கார்த்திகையை முன்னிட்டு முருக பெருமானுக்கு சிறப்பு அபிஷேக ஆராதனை நடைபெற்றது.

புகழ்பெற்ற முருகன் தலங்களில் ஒன்றான நாகை மாவட்டம் சிக்கல் சிங்காரவேலர் கோவிலில் இன்று ஆனி மாத கார்த்திகையை முன்னிட்டு சிங்காரவேலருக்கு, பால், தயிர், சந்தனம், விபூதி, பஞ்சாமிர்தம், பன்னீர் , திரவிய பொருட்களை கொண்டு கார்த்திகை மண்டபத்தில் சிறப்பு அபிஷேக ஆராதனை நடந்தது.

அதைத் தொடர்ந்து மகா தீபாராதனை காண்பிக்கப்பட்டது. அப்போது சிங்காரவேலர் சிறப்பு மலர் அலங்காரத்தில் வள்ளி, தெய்வானையுடன் பக்தர்களுக்கு அருள் பாலித்தார்.

கார்த்திகை வழிபாடு நிகழ்ச்சியில் திரளான பக்தர்கள் கலந்து கொண்டு சாமி தரிசனம் செய்தனர்.