பொங்கல் பரிசு தொகுப்பு வழங்கும் நிகழ்ச்சி

சீர்காழி:

சீர்காழி,பகுதிகளில் குடும்ப அட்டைதாரர்களுக்கு பொங்கல் பரிசு தொகுப்பு வழங்கும் நிகழ்ச்சி நடந்தது.

பொங்கல் பரிசு தொகுப்பு

சீர்காழி நகராட்சிக்குட்பட்ட தென்பாதி ேரஷன் கடையில் தமிழக அரசு சார்பில் குடும்ப அட்டைதாரர்களுக்கு பொங்கல் பரிசு தொகுப்பு வழங்கும் நிகழ்ச்சி நடந்தது. இந்த நிகழ்ச்சிக்கு நகர சபை தலைவர் துர்கா ராஜசேகரன் தலைமை தாங்கினார். துணைத் தலைவர் சுப்பராயன், நகர் மன்ற உறுப்பினர்கள் வேல்முருகன், ராஜசேகரன், ரேணுகாதேவி ஆகியோர் முன்னிலை வகித்தனர். ரேஷன் கடை செயலாளர் முருகன் வரவேற்றார்.

விழாவில் நகர சபை தலைவர் துர்கா ராஜசேகரன் பயனாளி ஒருவருக்கு பொங்கல் பரிசு தொகுப்பான ஒரு கிலோ பச்சரிசி, ஒரு கிலோ சர்க்கரை, ஒரு முழு கரும்புடன், ரூ.1,000 வழங்கி தொடங்கி வைத்தார். இந்த விழாவில் முன்னாள் நகர் மன்ற உறுப்பினர் திருச்செல்வன், தி.மு.க. வார்டு செயலாளர் சக்திவேல் உள்பட பலர் கலந்து கொண்டனர்.