பிளஸ்-1 மாணவர் தற்கொலை

அம்பை:

கல்லிடைக்குறிச்சி கோட்டைவிளை தெருவை சேர்ந்தவர் கார்த்திகேயன். விவசாயி. இவருடைய மகன் கிருஷ்ணகுமார். இவர் அங்குள்ள பள்ளியில் பிளஸ்-1 படித்து வந்தார். இவர் சர்க்கரை நோயால் பாதிக்கப்பட்டு வந்ததால் பள்ளிக்கு சரி வர செல்லாமல் இருந்துள்ளார். இதனை அவரது தாயார் செல்லம்மாள் கண்டித்துள்ளார். இதனால் மனமுடைந்த கிருஷ்ணகுமார் தனது வீட்டில் வயலுக்காக வாங்கி வைத்திருந்த பூச்சிக்கொல்லி மருந்தை எடுத்து குடித்தார். உடனடியாக அக்கம்பக்கத்தினர் அவரை மீட்டு அம்பை அரசு ஆஸ்பத்திரியில் சேர்த்தனர். அங்கு முதலுதவி செய்யப்பட்டு மேல் சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைக்கப்பட்டார். அங்கு சிகிச்சை பலனின்றி நேற்று கிருஷ்ணகுமார் உயிரிழந்தார். இதுகுறித்து கல்லிடைக்குறிச்சி போலீசார் வழக்குப்பதிவு செய்து விசாரணை நடத்தி வருகின்றனர்.