பெருமாள் கோவில்களில் சிறப்பு பூஜை

புரட்டாசி மாத 4-வது சனிக்கிழமையையொட்டி கிருஷ்ணகிரி மாவட்டத்தில் பெருமாள் கோவில்களில் சிறப்பு பூஜை நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

புரட்டாசி 4-வது சனிக்கிழமை

புரட்டாசி மாத சனிக்கிழமையையொட்டி பெருமாள் கோவில்களில் நடைபெறும் சிறப்பு வழிபாட்டில் பக்தர்கள் விரதம் இருந்து வழிபாடு நடத்துவது வழக்கமாகும். அதன்படி இந்தாண்டு புரட்டாசி மாத 4-வது சனிக்கிழமையையொட்டி கிருஷ்ணகிரி மாவட்டத்தில் உள்ள பெருமாள் கோவில்களில் நேற்று அதிகாலை முதல் சாமிக்கு சிறப்பு அபிஷேக ஆராதனை மற்றும் சிறப்பு வழிபாடுகள் நடைபெற்றது. இதில் அந்தந்த பகுதியை சேர்ந்த பக்தர்கள் கலந்து கொண்டு சாமி தரிசனம் செய்தனர்.

அதன்படி கிருஷ்ணகிரி காட்டு வீர ஆஞ்சநேயர் கோவில் வளாகத்தில் உள்ள வெங்கட்ரமண சாமி கோவிலில் சிறப்பு பூஜை நடந்தது. இதில் ஏராளமான பக்தர்கள் நீண்ட வரிசையில் நின்று சாமி தரிசனம் செய்தனர். கணவாய்ப்பட்டி வெங்கட்ரமண சாமி கோவிலில் சிறப்பு பூஜை நடைபெற்றது. இதில் சுற்று வட்டார பகுதிகளை சேர்ந்த பக்தர்கள் கலந்து கொண்டனர்.

பக்தர்கள் கூட்டம்

இதேபோன்று பழையபேட்டை லட்சுமி நாராயணசாமி, பொன்மலை சீனிவாச பெருமாள், பாலேகுளி அனுமந்தராயசாமி, கிருஷ்ணகிரி மலையப்ப சீனிவாச பெருமாள் கோவில்களில் புரட்டாசி மாத 4-வது சனிக்கிழமையையொட்டி சிறப்பு பூஜைகள் நடந்தது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். பக்தர்களுக்கு சிறப்பு பிரசாதம் வழங்கப்பட்டது.

கிருஷ்ணகிரி தம்மண்ண நகர் வெங்கடேச பெருமாள், கிருஷ்ணா கோவில் தெரு நவநீத வேணுகோபால சாமி, பாப்பாரப்பட்டி பெருமாள் கோவில் உள்பட அனைத்து பெருமாள் கோவில்களிலும் நேற்று சிறப்பு பூஜைகள் நடந்தன. இதில் திரளான பக்தர்கள் கலந்து கொண்டு, சாமி தரிசனம் செய்தனர். நேற்று புரட்டாசி மாத 4-வது சனிக்கிழமை என்பதால் பக்தர்கள் கூட்டம் அதிகமாக காணப்பட்டது.

மாவட்டம் முழுவதும்

இதேபோன்று ராயக்கோட்டை, கெலமங்கலம், பர்கூர், ஓசூர், சூளகிரி, காவேரிப்பட்டணம், மத்திகிரி, ஊத்தங்கரை, வேப்பனப்பள்ளி, குருபரப்பள்ளி, தேன்கனிக்கோட்டை உள்ளிட்ட மாவட்டத்தில் உள்ள அனைத்து பெருமாள் கோவில்களிலும் புரட்டாசி மாத 4-வது சனிக்கிழமையையொட்டி சிறப்பு பூஜை நடந்தது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். அவர்களுக்கு பிரசாதம் மற்றும் அன்னதானம் வழங்கப்பட்டது.