பழனி முருகன் கோவிலில் 3-வது மின் இழுவை ரெயில் - இன்று முதல் பயன்பாட்டிற்கு வந்தது

திண்டுக்கல்,

முருகப்பெருமானின் அறுபடை வீடுகளில் மூன்றாம் படை வீடான பழனி முருகன் கோவிலில், பக்தர்கள் மலைக்குச் செல்ல கம்பிவட ஊர்தி, மின் இழுவை ரெயிலை பயன்படுத்தி வருகின்றனர். இதில் 3-வது மின் இழுவை ரெயில் கடந்த சில மாதங்களுக்கு முன் பராமரிப்பு பணிகளுக்காக நிறுத்தி வைக்கப்பட்டிருந்தது.

அந்த பணிகள் முடிவடைந்ததையடுத்து இன்று முதல் 3-வது மின் இழுவை ரெயில் பக்தர்களின் பயன்பாட்டிற்கு வந்தது. முன்னதாக ரெயிலுக்கு சந்தனம், குங்குமம் வைத்து மாலை அணிவித்து பூஜை செய்து வழிபட்டனர். பின்னர் பக்தர்களை ஏற்றி மின் இழுவை ரெயிலின் பயன்பாட்டை தொடங்கி வைத்தனர்.