மாற்றுத்திறனாளிகளுக்கு தேசிய அடையாள அட்டை

திருப்பத்தூர் கலெக்டர் அலுவலகத்தில் மாற்றுத்திறனாளிகளுக்கான தேசிய அடையாள அட்டை வழங்குவதற்கான மருத்துவ முகாம் நடைபெற்றது.

முகாமில் கலெக்டர் பாஸ்கரபாண்டியன் கலந்துகொண்டு, 96 மாற்றுத்திறனாளிகளுக்கு தேசிய அடையாள அட்டை மற்றும் 3 மாற்றுத்திறனாளிகளுக்கு முதல்-அமைச்சரின் விரிவான மருத்துவ காப்பீட்டு அட்டைகளை வழங்கினார். அதைத்தொடர்ந்து மாற்றுத்திறனாளிகளுக்கு மதிய உணவினை கலெக்டர் வழங்கி அவர்களுடன் அமர்ந்து உணவு சாப்பிட்டார்.

இதில் மாவட்ட மாற்றுத்திறனாளிகள் நல அலுவலர் (பொறுப்பு) முருகேசன், மாவட்ட மனநல மருத்துவ அலுவலர் பிரபாவராணி, முதல்-அமைச்சரின் விரிவான மருத்துவ காப்பீடு திட்ட அலுவலர் ராஜேஷ், உதவும் உள்ளங்கள் தலைவர் ரமேஷ் மற்றும் டாக்டர்கள் பலர் கலந்துகொண்டனர்.