குண்டர் சட்டத்தில் சாராய வியாபாரி கைது

தஞ்சை மாவட்டம் பட்டுக்கோட்டை அருகே உள்ள தம்பிக்கோட்டை மேலக்காட்டில் உள்ள மண்டுவங்காடு சாலையை சேர்ந்தவர் நாகராஜன். இவருடைய மகன் ஹரி என்ற ஹரிகிருஷ்ணன் (வயது 43). சாராய வியாபாரி. இவரை குண்டர் சட்டத்தில் கைது செய்ய தஞ்சை மாவட்ட போலீஸ் சூப்பிரண்டு ரவளிபிரியா, கலெக்டர் தினேஷ் பொன்ராஜ் ஆலிவருக்கு பரிந்துரை செய்தார். இதையடுத்து கலெக்டர் உத்தரவின் பேரில் பட்டுக்கோட்டை மதுவிலக்கு அமல்பிரிவு போலீஸ் இன்ஸ்பெக்டர் ஜெயமோகன், குண்டர் சட்டத்தில் ஹரிகிருஷ்ணனை கைது செய்து திருச்சி மத்திய சிறையில் அடைத்தார்.