தென்னை மரங்களில் விஷ வண்டுகள் அழிப்பு

அன்னவாசல்:

அன்னவாசல் அருகே நிலையப்பட்டியை சேர்ந்தவர் மாணிக்கம். இவருக்கு சொந்தமான தோப்பில் உள்ள 2 தென்னை மரங்களில் விஷ வண்டுகள் கூடு கட்டியிருந்துள்ளது. இதனால் அப்பகுதிக்கு யாரும் செல்ல முடியாத நிலை இருந்து வந்தது. பின்னர் இதுகுறித்து தகவல் அறிந்த இலுப்பூர் தீயணைப்பு நிலைய அலுவலர் முருகேசன் தலைமையிலான தீயணைப்பு வீரர்கள் சம்பவ இடத்திற்கு சென்று பொக்லைன் எந்திரம் உதவியுடன் தீப்பந்தத்தை ஏற்றி விஷ வண்டுகளை முற்றிலும் அழித்தனர்.