தி.மு.க. செயல்வீரர்கள் கூட்டம்

திட்டச்சேரி:

திருமருகல் வடக்கு ஒன்றியம் ஏனங்குடி ஊராட்சி மன்ற இடைத்தேர்தலுக்கான வேட்பாளர் தேர்வு மற்றும் ஊராட்சி செயல்வீரர்கள் கூட்டம் நடந்தது.கூட்டத்திற்கு திருமருகல் முன்னாள் ஒன்றிய செயலாளர் செல்வம் தலைமை தாங்கினார்.வடக்கு ஒன்றிய செயலாளர் செல்வ செங்குட்டுவன் முன்னிலை வகித்தார். நாகை மாவட்ட செயலாளர் கவுதமன் கலந்து கொண்டு பேசினார். . ஊராட்சி மன்ற இடைத்தேர்தலுக்கு வேட்பாளரை தேர்வு செய்வது, தி.மு.க. சார்பில் போட்டியிடும் வேட்பாளரை அதிக வாக்குகள் வித்தியாசத்தில் வெற்றிபெற செய்வது என்பன உள்ளிட்ட பல்வேறு தீர்மானங்கள் கூட்டத்தில் நிறைவேற்றப்பட்டது. இதில் தலைஞாயிறு ஒன்றிய செயலாளர் மகாகுமார், திட்டச்சேரி பேரூர் கழக செயலாளர் முகமதுசுல்தான் மற்றும் மாவட்ட, ஒன்றிய நிர்வாகிகள், உள்ளாட்சி பிரதிநிதிகள் கலந்து கொண்டனர்.