மாவட்ட ஊராட்சிக்குழு கூட்டம்

திண்டுக்கல் மாவட்ட ஊராட்சிக்குழு கூட்டம், கலெக்டர் அலுவலக வளாகத்தில் உள்ள மாவட்ட ஊரக வளர்ச்சி அலுவலக கூட்ட அரங்கில் நடந்தது. இதற்கு மாவட்ட ஊராட்சிக்குழு தலைவர் பாஸ்கரன் தலைமை தாங்கினார். துணைத்தலைவர் பொன்ராஜ் முன்னிலை வகித்தார். செயலர் கிரி அனைவரையும் வரவேற்றார். கூட்டத்தில், மாவட்ட ஊராட்சி அலுவலக வரவு-செலவு கணக்குகள் குறித்தும், ஊராட்சி பகுதிகளில் செயல்படுத்த வேண்டிய வளர்ச்சி திட்டங்கள் குறித்தும் விவாதம் நடந்தது. கூட்டத்தில், மாவட்ட ஊராட்சி, ஒன்றிய பிரதிநிதிகள், ஊராட்சி தலைவர்கள், உறுப்பினர்களுக்கான அமர்வு படியை உயர்த்தி வழங்கிய முதல்-அமைச்சர் மு.க.ஸ்டாலினுக்கு நன்றி தெரிவிப்பது என்பன உள்பட பல்வேறு தீர்மானங்கள் நிறைவேற்றப்பட்டன.