தி.மு.க. பிரமுகர் ஓட்டலுக்கு தீவைப்பு

ஏர்வாடி:

ஏர்வாடி அருகே உள்ள திருக்குறுங்குடி அடுத்துள்ள ராஜபுதூரை சேர்ந்தவர் ஜெயக்குமார் (வயது 44). தி.மு.க. பிரமுகரான இவர் ராஜபுதூர் மெயின் ரோட்டில் ஓலை செட்டால் ஆன ஓட்டல் நடத்தி வருகிறார். சம்பவத்தன்று இரவில் இந்த ஓட்டலுக்கு மர்ம நபர்கள் தீ வைத்து விட்டு தப்பிச் சென்றுவிட்டனர். தீ மள, மளவென பற்றி எரிந்தது. இதைப்பார்த்த ஜெயக்குமார் மற்றும் அக்கம் பக்கத்தினர் தண்ணீரை ஊற்றி தீயை கட்டுக்குள் கொண்டு வர முயற்சி செய்தனர். ஆனாலும் தீயினால் ஓட்டல் முழுவதும் கருகியது. மேலும் ஓட்டலில் இருந்த பிரிட்ஜ், குளிர்பானங்கள், அடுப்பு உள்ளிட்ட பொருட்கள் எரிந்து நாசமானது. இதுபற்றி தகவல் அறிந்ததும் தி.மு.க.வினர் சம்பவ இடத்திற்கு சென்று பார்வையிட்டனர். இதுபற்றி திருக்குறுங்குடி போலீசில் புகார் செய்யப்பட்டது. போலீசார் வழக்குப்பதிவு செய்து விசாரணை நடத்தி, மர்மநபர்களை வலைவீசி தேடிவருகிறார்கள்.