மார்பக புற்றுநோய் குறித்த விழிப்புணர்வு ஊர்வலம்

மார்பக புற்றுநோய் குறித்து விழிப்புணர்வு ஏற்படுத்தும் வகையில் விழிப்புணர்வு ஊர்வலம் திருச்சியில் நேற்று நடந்தது. திருச்சி அரசு மருத்துவமனையில் இருந்து தொடங்கிய இந்த ஊர்வலத்தை மருத்துவமனை கண்காணிப்பாளர் டாக்டர் அருண்ராஜ் கொடியசைத்து தொடங்கி வைத்தார். மருத்துவமனை வளாகத்தில் இருந்து புறப்பட்ட ஊர்வலம் கோர்ட்டு எம்.ஜி.ஆர். சிலை வரை சென்றுவிட்டு, பின்னர் மீண்டும் அரசு மருத்துவமனையை வந்தடைந்தது. ஊர்வலத்தில் டாக்டர்கள், பயிற்சி டாக்டர்கள், செவிலியர்கள் மற்றும் ஊழியர்கள் திரளாக கலந்து கொண்டனர். ஊர்வலத்திற்கு முன்னதாக இது குறித்து அவர்கள் உறுதிமொழி எடுத்துக் கொண்டனர்.