ரூ.2¾ லட்சத்துக்கு வாழைத்தார் ஏலம்

அந்தியூர்:

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார் ஏலம் நடைபெற்றது. இந்த ஏலத்துக்கு அந்தியூர், அத்தாணி, ஆப்பக்கூடல், கள்ளிப்பட்டி, வேம்பத்தி, எண்ணமங்கலம், சென்னம்பட்டி, வெள்ளித்திருப்பூர் உள்பட பல்வேறு பகுதிகளில் இருந்து ஏராளமான விவசாயிகள் 1,400 வாழைத்தார்களை விற்பனைக்காக விவசாயிகள் கொண்டு வந்திருந்தனர்.

இதில் கதலி வாழைப்பழம் கிலோ ஒன்று 36 ரூபாய்க்கும், நேந்திரம் 38 ரூபாய்க்கும் விற்பனை ஆனது. பூவன் (வாழைத்தார் ஒன்று) ரூ.350-க்கும், செவ்வாழை ரூ.650-க்கும், ரஸ்தாளி ரூ.550-க்கும், தேன்வாழை ரூ.460-க்கும், மொந்தன் ரூ.350-க்கும் விற்பனை செய்யப்பட்டது. வாழைத்தார்கள் மொத்தம் ரூ.2 லட்சத்து 86 ஆயிரத்துக்கு ஏலம் போனது. ஈரோடு, பெருந்துறை, திருப்பூர், கோவை உள்பட பல்வேறு பகுதிகளில் இருந்து ஏராளமான வியாபாரிகள் இங்கு வந்து வாழைத்தார்களை ஏலம் எடுத்து சென்றனர்.