முக்கூடல் முத்துமாலை அம்மன் கோவில் திருவிழாவில் பால்குட ஊர்வலம்

முக்கூடல்:

முக்கூடல் முத்துமாலை அம்மன் கோவிலில் ஆண்டுதோறும் ஆனி மாதம் 11 நாட்கள் திருவிழா சிறப்பாக நடைபெறும். இந்த ஆண்டுக்கான திருவிழா கடந்த 3-ந் தேதி கொடியேற்றத்துடன் தொடங்கியது. சிகர நிகழ்ச்சியாக நாளை (செவ்வாய்க்கிழமை) திருவிழா நடக்கிறது. விழாவை முன்னிட்டு 8-ம் திருநாளான நேற்று காலையில் ஏராளமான பக்தர்கள் பால்குடம் சுமந்து முக்கிய வீதிகள் வழியாக சென்று கோவிலை வந்தடைந்தனர். ஏற்பாடுகளை விழாக்குழுவினர் செய்து வருகிறார்கள்.