அ.தி.மு.க. செயல்வீரர்கள் கூட்டம்

மயிலாடுதுறை அ.தி.மு.க. தெற்கு ஒன்றிய செயல்வீரர்கள் ஆலோசனைக்கூட்டம் சோழம்பேட்டையில் நடந்தது. கூட்டத்திற்கு ஒன்றிய அவைத்தலைவர் செல்வம் தலைமை தாங்கினார். மாவட்ட அவைத்தலைவர் பாரதி, மாவட்ட துணை செயலாளர் செல்லையன் ஆகியோர் முன்னிலை வகித்தனர். தெற்கு ஒன்றிய செயலாளர் சந்தோஷ்குமார் வரவேற்றுப் பேசினார். இதில் சிறப்பு அழைப்பாளராக மாவட்ட செயலாளரும், முன்னாள் எம்.எல்.ஏ.வுமான பவுன்ராஜ் கலந்துகொண்டு பேசினார். அப்போது அவர் கூறுகையில், தேர்தல் அறிக்கையில் கூறிய வாக்குறுதிகளை நிறைவேற்றாமல் தி.மு.க. அரசு மக்களை ஏமாற்றி வருகிறது. தி.மு.க.வின் பொய் பிரசாரங்களை நம்பி இனியும் மக்கள் ஏமாறக்கூடாது என்றார்.

இதில் முன்னாள் எம்.எல்.ஏ.க்கள் ராதாகிருஷ்ணன், சக்தி, ஒன்றிய துணை செயலாளர் ராமையன், ஒன்றிய கவுன்சிலர் பாலமுருகன், மாவட்ட பிரதிநிதி சுந்தரம், ஒன்றிய பொருளாளர் நெடுஞ்செழியன், துணை செயலாளர் மணிமேகலை உள்பட கட்சி பொறுப்பாளர்கள், தொண்டர்கள் திரளாக கலந்துகொண்டனர். முடிவில் மாவட்ட பிரதிநிதி சதீஷ்முத்துக்குமார் நன்றி கூறினார்.