தூத்துக்குடியில் நடந்த விபத்தில் வாலிபர் படுகாயம்

தூத்துக்குடி திரேஸ்புரத்தை சேர்ந்தவர் அல்பர்ட். இவரது மகன் பனிமயராஜ் (வயது28). இவர் ஆறுமுகநேரியில் உள்ள தனியார் நிறுவனத்தில் வேலை பார்த்து வருகிறார். வேலைக்குச் செல்வதற்காக மோட்டார் சைக்கிளில் தூத்துக்குடியில் இருந்து ஆறுமுகநேரிக்கு சென்று கொண்டிருந்தார். தூத்துக்குடி- திருச்செந்தூர் சாலையில் ஸ்பிக்நகரை அடுத்துள்ள அபிராமி நகர் விலக்கு அருகே சென்றபோது, அந்த வழியாக வந்த கார் மோட்டார் சைக்கிள் மீது மோதியது. இதில் படுகாயமடைந்த பனிமயராஜ் தூத்துக்குடியில் உள்ள தனியார் ஆஸ்பத்திரியில் சேர்க்கப்பட்டு சிகிச்சை பெற்று வருகிறார்.இது குறித்த புகாரின் பேரில் முத்தையாபுரம் போலீசார் வழக்கு பதிவு செய்து விசாரணை நடத்தி வருகின்றனர்.