கஞ்சா வைத்திருந்த 2 வாலிபர்கள் கைது

அரக்கோணம் சுவால்பேட்டை, புதிய பஸ் நிலையம் ஆகிய பகுதிகளில் அரக்கோணம் டவுன் போலீஸ் இன்ஸ்பெக்டர் சாலோமன் ராஜா தலைமையிலான போலீசார் நேற்று ரோந்து பணியில் ஈடுபட்டிருந்தனர். அப்போது புதிய பஸ் நிலையம் பகுதியில் உள்ள மேல்நிலை நீர்த்தேக்க தொட்டி அருகே சந்தேகம் படும்படியாக நின்றிருந்த இரண்டு வாலிபர்களை பிடித்து விசாரித்தனர்.

விசாரணையில் அவர்கள் திருவள்ளூர் மாவட்டம் பள்ளிப்பட்டு பகுதியை சேர்ந்த ரியாஸ் அஹமது (வயது 19), சுவால்பேட்டை கண்ணன் மாவு மில் தெருவை சேர்ந்த கண்ணன் (24) என்பதும், கஞ்சா வைத்திருந்தம் தெரிய வந்தது. அதையடுத்து அவர்களிடமிருந்து 500 கிராம் கஞ்சா மற்றும் கத்தி ஆகியவற்றை போலீசார் பறிமுதல் செய்து. கைது செய்தனர்.