வாணியம்பாடி பகுதியில் ரெயிலில் அடிபட்டு 2 பேர் பலி

ஜோலார்பேட்டை அருகே கேத்தாண்டப்பட்டி-வாணியம்பாடி ரெயில் நிலையங்களுக்கிடையே சுமார் 45 வயதுதக்க வாலிபர் ஒருவர் தண்டவாளத்தை கடக்க முயன்றார் அப்போது அவ்வழியாக சென்ற ரெயிலில் அடிபட்டு பரிதாபமாக உயிரிழந்தார் இது குறித்து தகவல் அறிந்ததும் ஜோலார்பேட்டை ரெயில்வே போலீஸ் சப் இன்ஸ்பெக்டர் ஜெயக்குமார் மற்றும் போலிஸார் வழக்கு பதிவு சம்பவம் இடத்திற்கு விரைந்து சென்று பிணத்தை கைப்பற்றி பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர் மேலும் இறந்தவர் மாநிறம் உடையவர். சாம்பல் கலர் பேண்ட், சாம்பல் கலர் சட்டை அணிந்து உள்ளார். இவர் யார் எந்த ஊரை சேர்ந்தவர் என போலீசார் விசாரணை செய்து வருகின்றனர்.

இதே போல விண்ணமங்கலம்- வாணியம்பாடி ரெயில் நிலையங்களுக்கு இடையயும் சுமார் 45 வயது மதிக்கத்தக்கவர் தண்டவாளத்தை கடக்கும் போது ரெயிலில் அடிபட்டு சம்பவ இடத்திலேயே பரிதாபமாக பலியானார்.இது குறித்து தகவல் அறிந்ததும் ஜோலார்பேட்டை ரெயில்வே போலீசார் சம்பவ இடத்துக்கு சென்று வழக்குப்பதிவு செய்து பிணத்தை மீட்டு பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர்.

இறந்தவர் மாநிறம் உடையவர். வெள்ளை கலரில் லுங்கி அணிந்துள்ளார். இவர் யார் எந்த ஊரை சேர்ந்தவர் என்பது குறித்து போலீசார் விசாரணை செய்து வருகின்றனர்.