வெவ்வேறு சம்பவங்களில் 2 பேர் தற்கொலை

நெல்லை அருகே உள்ள மேல தாழையூத்து பூந்தோட்டம் தெருவை சேர்ந்தவர் ரகுபதி (வயது 56). தொழிலாளி. இவருக்கு மது குடிக்கும் பழக்கம் உண்டு. சம்பவத்தன்று மது போதையில் வீட்டிக்கு சென்றதால் அவரின் மனைவி கண்டித்துள்ளார். இதனால் மனமுடைந்த ரகுபதி விஷம் குடித்து தற்கொலைக்கு முயன்றார். இதனை அறிந்த உறவினர்களை அவரை பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். அங்கு அவருக்கு சிகிச்சை அளிக்கப்பட்டு வந்தது. இந்த நிலையில் நேற்று முன்தினம் உயிர் இழந்தார்.

இதேபோல் தாழையூத்து வ.உ.சி. நகரை சேர்ந்தவர் ரவி (40). கொத்தனாரான இவர் நேற்று காலையில் வீட்டில் தூக்குப்போட்டு தற்கொலை செய்து கொண்டார். இந்த 2 சம்பவங்கள் குறித்தும் தாழையூத்து போலீசார் வழக்குப்பதிவு செய்து விசாரணை நடத்தி வருகின்றனர்.