வெவ்வேறு சம்பவங்களில் 2 பேர் தற்கொலை

நெல்லை சந்திப்பு மீனாட்சிபுரத்தை சோ்ந்தவர் தோப்பையா (வயது 55). சற்று மனநலம் பாதிக்கப்பட்ட இவர் அதற்காக பல ஆண்டுகள் சிகிச்சை பெற்று வந்தார். இந்த நிலையில் அவர் தனது வீட்டில் நேற்று தூக்குப்போட்டு தற்கொலை செய்து கொண்டார்.

அதேபோல் சிந்துபூந்துறை செல்லியம்மன் கோவில் தெருவை சேர்ந்த சுப்பையா (85) என்பவர் கடந்த சில நாட்களாக உடல்நலம் பாதிக்கப்பட்டு இருந்தார். கடந்த 4 நாட்களுக்கு முன்பு பாளையங்கோட்டை ஐகிரவுண்டு அரசு ஆஸ்பத்திரியில் இருந்து வீட்டுக்கு திரும்பிய சுப்பையா நேற்று வீட்டில் தூக்குப்போட்டு தற்கொலை செய்து கொண்டார். இந்த சம்பவங்கள் குறித்து நெல்லை சந்திப்பு போலீசார் வழக்குப்பதிவு செய்து விசாரணை நடத்தி வருகின்றனர்.