நவிமும்பையில் கல்லால் தாக்கி கொலை செய்த பெண்ணின் உடல் மீட்பு

தானே,

நவிமும்பை ஆதவலி புடாவலி கிராமத்தில் நேற்று முன்தினம் 30 வயது பெண்ணின் உடல் கிடப்பதாக துர்பே போலீசாருக்கு தகவல் கிடைத்தது. இதன்பேரில் போலீசார் அங்கு சென்று உடலை மீட்டு நடத்திய விசாரணையில், அந்த பெண் கல்லால் தாக்கி கொலை செய்யப்பட்டதும், உடலை மர்மநபர்கள் புதரில் வீசி சென்றதும் தெரியவந்தது. போலீசார் உடலை பிரேத பரிசோதனைக்கு அனுப்பி வைத்தனர்.

சம்பவம் குறித்து போலீசார் கொலை வழக்கு பதிவு செய்து அவரை கொன்ற ஆசாமிகள் யார் என்பது குறித்து விசாரணை நடத்தி வருகின்றனர்.