விருத்தாசலம் கோட்டாட்சியர் அலுவலகத்தில் மனு கொடுக்கும் போராட்டம்

விருத்தாசலம்,

விருத்தாசலம் கோட்டாட்சியர் அலுவலகத்தில் இலவச வீட்டுமனைப்  பட்டா கேட்டு மனு கொடுக்கும் போராட்டம் நடைபெற்றது. இதற்கு வட்டக்குழு உறுப்பினர் இளங்கோவன் தலைமை தாங்கினார். மாவட்ட செயற்குழு ஆறுமுகம், கருப்பையன் ஆகியோர் முன்னிலை வகித்தனர். வட்ட செயலாளர் அசோகன், மாவட்ட குழு கலைச்செல்வன், வக்கீல் சந்திரசேகரன், வட்டக்குழு குமரகுரு, கிளை செயலாளர் பாண்டியன் மற்றும் ஊ.மங்கலம், கோ.பொன்னேரி, மாவிடந்தல் கிராமத்தை சேர்ந்த ஏராளமான மக்கள் கலந்து கொண்டனர். இதையடுத்து  இலவச வீட்டுமனைப் பட்டா கேட்டு, கோட்டாட்சியரின் நேர்முக உதவியாளர் அரங்கநாதனிடம் அவர்கள் மனு கொடுத்தனர். மனுவை பெற்றுக்கொண்ட அவர், இது குறித்து உயர் அதிகாரிகளிடம் தெரிவித்து உரிய நடவடிக்கை எடுப்பதாக உறுதியளித்தார். அதனை ஏற்று கிராம மக்கள் அங்கிருந்து கலைந்து சென்றனர்.