பள்ளி வாகனம் தீயில் எரிந்து நாசம்

ஆலங்குடி
ஆலங்குடியில் உள்ள தனியார் பள்ளி ஒன்றில் தற்போது 12-ம் வகுப்பு தவிர பிற வகுப்புகள் நடைபெறவில்லை. இதனால் பள்ளி வாகனங்கள் அங்குள்ள வளாகத்தில் நிறுத்தப்பட்டு இருந்தன. இந்தநிலையில் நேற்று மதியம் பள்ளி வாகனம் ஒன்றில் திடீரென தீப்பிடித்து எரிய ஆரம்பித்தது. இதுகுறித்து தகவல் அறிந்த ஆலங்குடி தீயணைப்பு நிலையத்தினர் நிலைய அலுவலர் சரவணக்குமார் தலைமையில் விரைந்து வந்து தண்ணீரை பீய்ச்சியடித்து தீயை அணைத்தனர். இருப்பினும் அந்த வாகனம் தீயில் எரிந்து நாசமானது. பேட்டரியில் ஏற்பட்ட பழுதால் இந்த தீ விபத்து ஏற்பட்டதாக தெரிகிறது.